English
မြန်မာ
မြန်မာ (unicode)
MCRB ၏ စတုတ္ထအကြိမ်မြောက် UN Global Compact အစီရင်ခံစာ ထုတ်ပြန်မှု
MCRB သည် UNGC ၏ စည်းမျဥ်း၁၀ခုကို အထောက်အပံ့ပြုရန် ရည်ရွယ်ကာ ဆောင်ရွက်နေသည့် ၂၀၂၀ ဇူလိုင်လနှင့် ၂၀၂၂ ဇွန်လကြားကာလအတွင်းလုပ်ငန်းစဥ်များကို စတုတ္ထအကြိမ်မြောက် UN Global Compact ထိတွေ့ဆောင်ရွက်မှုအကြောင်းကြားအစီရင်ခံစာတွင် တင်ပြထားရှိပါသည်။
United Nations Global Compact သည် စီးပွားရေးလုပ်ငန်းရေရှည်ဖွံ့ဖြိုးတိုးတက်မှုဆိုင်ရာရှေ့ဆောင်လုပ်ငန်းစဥ်တစ်ခုဖြစ်ပြီး ကမ္ဘာတစ်ဝန်းရှိ စီးပွားရေးလုပ်ငန်းများအနေဖြင့် ၎င်းတို့၏ လုပ်ငန်းလည်ပတ်မှုများနှင့် နည်းဗျူဟာများကို ကမ္ဘာလုံးဆိုင်ရာ အသိအမှတ်ပြုထားသည့် စည်းမျဥ်း၁၀ခုနှင့်အညီ လူ့အခွင့်အရေး၊ အလုပ်သမားရေးရာ၊ သဘာဝပတ်ဝန်းကျင်နှင့် အဂတိလိုက်စားမှုတိုက်ဖျက်ရေးတို့ကို လေးစားလိုက်နာနိုင်ရန် အထောက်အကူပြုမည့် အားပေးပံ့ပိုးမှုဖြစ်ပါသည်။ မြန်မာနိုင်ငံတွင် လက်ရှိအချိန်အထိ ကုမ္ပဏီနှင့် အဖွဲ့အစည်းပေါင်း ၈၉ ခုက လက်မှတ်ထိုးပူးပေါင်းပါဝင်ထားကြပါသည်။ ပူးပေါင်းပါဝင်မှုလိုအပ်ချက်တစ်ခုအနေဖြင့် ကုမ္ပဏီများသည် တစ်ဦးချင်းစီ၏ နှစ်စဥ် လုပ်ငန်းတိုးတက်မှုအစီရင်ခံစာကို တင်ပြရန်လိုအပ်ပြီး MCRBကဲ့သို့ အဖွဲ့အစည်းများမှာမူ ထိတွေ့ဆောင်ရွက်မှုအကြောင်းကြားအစီရင်ခံစာကို တင်ပြရန်လိုအပ်ပါသည်။
MCRB ၏ စတုတ္ထအကြိမ်မြောက် ထိတွေ့ဆောင်ရွက်မှုအကြောင်းကြားအစီရင်ခံစာတွင် ကျွန်ုပ်တို့၏ UNGC လုပ်ငန်းစဥ်များအပေါ်ဆက်လက်ပံ့ပိုးလုပ်ဆောင်မှုများနှင့် UNGC ၏ စည်းမျဥ်း၁၀ခုနှင့်ကိုက်ညီအောင် လုပ်ဆောင်လျက်ရှိသည့် လူ့အခွင့်အရေး၊ အလုပ်သမားရေးရာ၊ သဘာဝပတ်ဝန်းကျင်နှင့် အဂတိလိုက်စားမှုတိုက်ဖျက်ရေးဆိုင်ရာ လုပ်ငန်းရပ်များကို ဖော်ပြထားပါသည်။ ထို့အပြင် လွန်ခဲ့သော နှစ်နှစ်တာကာလအတွင်း(ဇူလိုင် ၂၀၂၀ မှ ဇွန် ၂၀၂၂)တွင် စည်းမျဥ်း၁၀ခုကို ပေါင်းစပ်ထည့်သွင်းကာ အကောင်အထည်ဖော်ဆောင်ရွက်ခဲ့သည့် ကျွန်ုပ်တို့၏ လုပ်ငန်းရပ်များ၏ တိုးတက်မှုအခြေအနေများကိုလည်း တင်ပြထားပါသည်။
